Администрация СП
"сельсовет Ахтынский"

Ахцегь Назим

Ахцегь Назим

Шаир Ахцегь Назим (1720—1807) (адан тӀвар Магьарам тир) 1720-йисуз Ахцегьа дидедиз хьана. Жегьилди хайи хуьруьн медресада кӀелна, араб, туьрк чӀалар ва диндинни тӀебии илимар мирна. Лезги ва туьрк чӀаларал шиирар теснифиз ва манияр лугьуз башламишна. Шаир-дин чӀаларин эхиримжи бейтера автордин тӀвар кьве жуьре дуь-шуьш жезва: «Ахцегь Назим» ва «Ахцегь шаир».

Ахцегь Назиман шиирриз дуьньядикай ва яшайишдикай ийиз-вай веревирдер, гьахъсузвилериз акси экъечӀун, эдебсузвал негьун, кесибрин тереф хуьн хае я. «КӀанда» шиирдай аквазвайвал, шаир вафасуз, инсафсуз, ахлакьсуз ва маса чӀуру хесетар квай инсанри-лай нарази я.

А. Назиман чӀалар печатдиз сифте М. Ярагьмедова акъудна. Ахцегь Назим 1807-йисуз кечмиш хьана.

Эдебият

  1. Дагъустандин савкьватар, 1987.
  2. Лезгийрин революциядилай виликан девиррин литература, 1990.
  3. «Коммунист», 1990-йисан 4-январь.

КIанда

За вуч чара ийин, завай вафасуздаз вафа кIанда,
Атайла зи патав, икрам авун, гьакI хуш сафа кIанда.
Вичин затдик, вири чандик хиянатвал, пехилвал кваз,
Масадбуру ийиз тариф, гьамиша вич ала кIанда.

Фитнечидиз вичин хесет кьуна элди пара кIанда,
Вичин кефи гьич садани тахун – ихьтин чара кIанда.
Хесетар пис, чинал лянет алайдазни масадбурувай,
Сагъ яз гьуьрмет, кьейилани регьмет, хийир-дуьа кIанда.

Регъуь тежез, эдебсуз яз, вичин чандиз дава кIанда,
Инсанривай эдеб, къанун, регъуьвал, гьакI гьая кIанда.
Вафалувал кIан хьухь ахьтин касдивай хьи, адан меци
Зикир ийиз «аллагь», вичиз Мегьамед-Мустафа кIанда.

Ахцегь Назим мягьтел я зун и алемдин крар акваз,
Масадбуруз дерт гузвайдаз завай дарман-дава кIанда.